Nú þegar tæpir tveir mánuðir eru í að Athafnavikan hefjist hefur skráningarsíða hennar opnað. Við hvetjum alla, einstaklinga, félagasamtök, stofnanir og fyrirtæki til að taka þátt í vikunni með því að halda viðburð í vikunni og skrá hér svo hann birtist í dagskrá vikunnar. Hvetjum alla til athafnasemi og snúum neikvæðri umræðu í jákvæða!!

Íslendingar eru án efa mjög athafnasöm þjóð en það sýndi sig í Athafnavikunni 2009 að hún á fullt erindi til okkar. Með því að halda og/eða sækja viðburð skapast tækifæri til að vekja jákvæða athygli á samfélaginu að vera þannig öðrum hvatning til athafnasemi. 

Hægt er að nálgast myndböndin á heimasíðu Snilldarlausna.

-Þórhildur

Kærleikstrefillinn lengist  og lengist og núna áðan voru krakkar úr fimmta bekk Grunnskóla Hornafjarðar að prjóna  þátttakendur í honum eru orðnir rúmlega  fjörutíu. Vinnu við málverkið lýkur í dag og eigum við von á leikskólabörnum frá leikskólanum Krakkakoti til okkar eftir hádegi. Mér skilst að fjöldi þeirra sem höfðu málað í gær væri í kringum fimmtíu manns. Í hádeginu 16. - 18. nóvember bauð Þekkingarnet Austurland upp á  hláturjóga.  Það er ferlega skemmtilegt og losar um uppsafnaða spennu, hláturjógað fer fram í miðrými Nýheima og höfum við sem tókum þátt í því fengið mikla athygli og hláturinn smitað út frá sér.  Ari Þorsteinsson hjá Nýsköpunarmiðstöð Íslands sýndi myndband frá Noregi þar sem búið var að útbúa litla útgáfu af virkjun sem byggði á þeim kröftum  sem myndast þegar saltvatn mætir fersku vatni eða osmósa. En hér í sýslunni eru góð skilyrði fyrir slíkar virkjanir. Ari hefur einnig verið að gera osmósugjörning með eggjum  hægt er að skoða þau hér í Nýheimum á frumkvöðlaganginum. Framhaldsskólinn í Austur Skaftafellssýslu var með þrautalausn í hádeginu en hún gekk út á það að þátttakendur áttu að koma eggjum á milli staða án þess að nota hendur. Þá var einnig sýndur sjónvarpsþátturinn Handan við Hornið, en það er afrakstur af verkefni sem þrír nemendur framhaldskólans unnu á námskeiðinu Sóknarbraut sem var haldið síðastliðið vor.

Athafnateygjurnar okkar Hjalta ganga nokkuð rösklega manna á milli og ef ég verð vör við að teygjurnar stoppi þá hika ég ekki við að ýta við fólki. Við viljum  að sem flestir bæjarbúar fái tækifæri til að vera með í þessum skemmtilega leik það er líka svo gaman að sjá hvað fólk er að fást við. Hægt er að sjá hvernig teygjurnar ganga um bæinn á www.athafnateygjan.is

Við viljum hvetja íbúa sveitarfélagsins til að kynna sér vel þá viðburði sem verða í boði og vera dugleg að mæta og taka þátt. Hér er slóðin að viðburðadagatalinu.

 http://www.rikivatnajokuls.is/media/vidburdir/athafnavika.pdf 

Með athafnakveðjum frá undirbúningshóp Björk Pálsdóttir hjá Nýsköpunarmiðstöð Íslands.

Opnunarhátíð

Opnunarhátíð Alþjóðlegrar athafnaviku hefst kl. 17:00 í Norræna húsinu
mánudaginn 16. nóvember

Dagskrá opnunarhátíðar:

17:00 - Þórhildur Birgisdóttir, framkvæmdastjóri Alþjóðlegrar athafnaviku
           ávarpar gesti
17:05 - Katrín Júlíusdóttir, Iðnaðarráðherra, setur athafnavikuna formlega
17:15 - Guðfinna S. Bjarnadóttir kynnir niðurstöður þjóðfundar
17:25 - Skemmtiatriði
17:30 - Andri Heiðar Kristinsson, framkvæmdastjóri Innovit
           afhendir iðnaðarráðherra Athafnateygju Innovit nr. 1

Kynnir: Linda Ásgeirsdóttir, leikkona

Þegar formlegri dagskrá lýkur verður boðið upp á léttar veitingar

Fjölmiðlakonan og hönnuðurinn Andrea Róbertsdóttir hefur elt nokkrar íslenskar konur síðustu misserin. Vigdís Finnbogadóttir, Jóhanna Kristjónsdóttir, Svava Johansen, Thelma Ásdísardóttir, Svafa Grönfeldt, Edda Heiðrún Backman, Þórey Edda Elísdóttir og Freyja Haraldsdóttir eru dæmi um konur og fyrirmyndir sem hún hefur elt á röndum um allan bæinn og tappað orkunni sem af þeim gustar á tóbakshorn. Ekki má svo gleyma allri þeirri yndislegu kvenorku sem Andrea safnaði á Grund og á Hrafnistu.

Íslenskar konur eru nefnilega einstakar og hér á landi eigum við fjölmargar frábærar fyrirmyndir. Um ræðir íslenskar konur sem hafa einstakt þor og kjark sem ekki veitir af að tappa á flöskur fyrir okkur hin. Tóbakshornin eru vísun í gamla tíma og þann karllæga heim sem við lifum í.  Þau verða stútfull af einstakri íslenskri kvenorku, ótal tegundir í boði en einnig verður hægt að leggja inn pöntun á sölustað.

Innihald tóbakshornsins hentar ungum Íslendingum á öllum aldri, jafnt konum sem körlum. Er þessi átappaða orka ekki síður hugsuð sem útflutningsvara því íslenskar konur; þeirra þekking, hæfileikar, orka, þor, dugnaður og mannauður er þannig saman settur að eftir er tekið um heim allan.

Tóbakshornin verða seld í nýrri verslun Eymundsson Skólavörðustíg 11 (áður SPRON) þriðjudaginn 17. nóvember 2009 kl. 12-18. Sá dagur er sérstaklega helgaður viðburðum athafnakvenna á Alþjóðlegri athafnaviku sem verður haldin á Íslandi 16. – 22. nóvember 2009.

Hornin kosta 1.000 íslenskar krónur og rennur allur ágóðinn í innkaup fyrir iðjuþjálfun heimilismanna á Hrafnistu í Reykjavík og Hafnarfirði og á Grund. Ef einhverjir hafa sérstakan áhuga á að styrkja málefnið enn frekar er hægt að útvega heilan gám, af þessari einstöku orku.

Konur eru konum bestar!

Ný sóknarfæri á Norðurlandi vestra – umhverfi og afurðir  

Rætt verður um þau sóknarfæri sem felast í umhverfisvænum áherslum í atvinnu- og menningarlífi í fjórðungnum.  Sem dæmi ná nefna nýja og/eða betri nýtingu afurða, jafnvægi milli verndunar og aðgengis náttúruperla, fræðslu og rannsóknir. 

Fundinum er ætlað að skapa umræðu og gerjun og tengja saman fólk sem hefur áhuga á þessum málum og vill eiga þátt í að móta hugmyndir og gera að veruleika.

Sjá alla fréttina

Kæri handhafi Athafnateygju Innovit

Svona getur þú undirbúið það að þín teygja fari sem víðast:
Þú sendir eftirfarandi skilaboð / póst á þann athafnasama einstakling sem þú ætlar að láta hafa teygjuna, þegar þú hefur lokið þinni athafnasemi.

Ég er handhafi Athafnateygju Innovit nr. xx og hef hugsað mér að biðja þig um að taka við henni þegar ég hef lokið mínu verkefni/viðburði/athöfn þ.e. að xxxxxxxxxxxxx. Svo er þitt hlutverk að framkvæma verkefni/viðburð/athöfn, skrá það inn á vefsíðuna www.athafnateygjan.is og koma svo teygjunni á einhvern athafnasaman einstakling.

Gangi ykkur vel að láta teygjunar fara sem víðast.

Á landsbyggðinni verður haldið upp á Athafnavikuna með ýmsum hætti.  Á Sauðárkróki, Blönduósi og Hvammstanga verða haldnir opnir fundir undir heitinu Norðurljós: Kveikjum á perunni! en þeim er ætlað að lýsa upp skammdegið með hugmyndavinnu þar sem unnið verður með tækifæri og möguleika á svæðinu.

Nýsköpunarmiðstöð á Akureyri ásamt aðilum í stuðningsumhverfi atvinnu- og menningarlífs á Norðurlandi standa fyrir viðburðum á hverjum degi í Athafnavikunni á Amts-café og ráðgjafatorgi í Ketilhúsinu fimmtudaginn 19. nóvember þar sem kynnt verða góð dæmi um drifkraftinn í norðlensku athafnalífi og stofnanir kynna þjónustu sína við athafnafólk.

Fab Lab smiðja Nýsköpunarmiðstöðvar í Vestmannaeyjum lætur ekki sitt eftir liggja og heldur nokkra kynningarfundi um frumgerðasmíði í Fab Lab sem gagnast vel einstaklingum og fyrirtækjum í vöruþróun.  Meðal annars verður sýnt frá fyrirlestri um frumgerðasmíði við MIT háskólann í gegnum fjarfundabúnað þar sem prófessor Neil Gershenfeld miðlar af snilld sinni.

Þá verður fjölmargt um að vera á Höfn í Hornafirði og mun Nýsköpunarmiðstöð m.a. standa fyrir osmósutilraunum, en osmósuvirkjanir gætu verið virkjanir framtíðarinnar á Íslandi. Einnig verður m.a. boðið upp á hláturjóga, heimamarkað, íbúar munu prjóna kærleikstrefil og mála sameiginlegt málverk.

Sjá nánar um dagskrána

Ég hefði aldrei trúað því hversu auðvelt það er í raun og veru að stofna fyrirtæki á Íslandi en vissulega þarf að gefa sér góðan tíma í undirbúning. Gera þarf ráð fyrir að fyrirtækið skili ekki hagnaði til að byrja með og einnig þarf að huga vel að greiðsluflæðinu. Það er auðvelt að gera viðskiptaáætlun en ég sé núna að greiðsluáætlanir skipta meira máli, a.m.k. í árferði líkt og nú.

Skuld bókabúð er fyrsta verslunin á Íslandi sem sérhæfir sig í sölu bóka tengdum ýmsum hliðum viðskiptalífsins. Meðal bókaflokka sem ég legg áherslu á má nefna: Nýsköpun og Frumkvöðla, Stjórnun, Leiðtoga, Sölu- og Markaðsmál, Vinnustaðinn og Efnahagsmál.

Markmið mín voru ljós frá upphafi en þau voru að kynna bestu viðskiptabækurnar fyrir íslensku áhugafólki um þekkingu, koma á framfæri því besta úr viðskiptabókum og vera miðstöð þekkingar og visku. Það gerði ég með samstarfi við ýmis áhugafélög í atvinnulífinu eins og t.d. leshringi.

Ég hef lagt áherslu á að vera með bestu og nýjustu bækurnar hverju sinni ásamt sígildum bókum, bjóða ávallt persónulega og góða þjónustu, mismunandi form fróðleiks, bækur, hljóðbækur, DVD diska og tímarit. Nú hef ég tekið eitt skref í viðbót og það er færa Skuld inn í Bókabúð Máls & menningar þar ég get nú boðið upp á meira úrval og lengri opnunartíma í búðinni."

Þau segja „Lausn vandamála felst í athafnasemi. Með Alþjóðlegri Athafnaviku á Ísland geta allir lagt hönd á plóg við að færa fram eitthvað jákvætt til samfélagsins. Þar á meðal þú! Nú geta allir, menntastofnanir, sveitarfélög, fyrirtæki, stofnanir, félagasamtök, hópar og einstaklingar efnt til viðburðar í þeim tilgangi að virkja þjóðina til jákvæðra verka. Aðilar í stuðningsumhverfi atvinnu- og menningarlífs á Norðurlandi  leggja af mörkum og standa fyrir eftirfarandi dagskrá á Akureyri.“

Frumkvæði og framkvæmdagleði

Á Amts-café (Amtsbókasafninu) í hádeginu dagana 16.-20. nóv. kl. 12:15-12:45. Veitingar seldar á staðnum. Framsækið fólk flytur áhugaverð erindi úr ólíkum áttum.

Mánud. 16. nóv: Akureyrarstofa og Markaðsstofa Ferðamála á Norðurlandi kynna starfsemi sína.

Þriðjud. 17. nóv: Sigríður Bergvinsdóttir - nýting kartöflunnar og nýjung framreiðslu, og Garðsbúið ehf. - framþróun í landbúnaði.

Miðvikud. 18. nóv: Vélfag ehf. og Raf ehf. - kröftug nýsköpunarfyrirtæki með nýjungar fyrir fiskvinnslu.

Fimmtud. 19. nóv: Grasrót - iðngarðar og nýsköpun, og Laufabrauðssetrið - menningararfur og nýsköpun.

Föstud. 20. nóv: Sævar Freyr Sigurðsson og Saga Travel –  Ferðaþjónusta; ástríður, saga og náttúra!

Drifkraftur og athafnasemi

Í Ketilhúsinu fimmtudaginn 19. nóv. kl. 15:00-18:00

Ráðgjafatorg: Aðilar frá Byggðastofnun, NORA, Norðurslóðaáætluninni (NPP), Atvinnuþróunarfélagi Eyjafjarðar, Atvinnuþróunarfélagi Þingeyinga, Vaxtarsamningi Eyjafjarðar, Menningarráði Eyþings, Nýsköpunarmiðstöð Íslands, Háskólanum á Akureyri, Akureyrarstofu og Norrænu upplýsingaskrif-stofunni munu vera á staðnum og veita upplýsingar um sína starfssemi og stuðningsumhverfi frumkvöðla og atvinnulífs á Norðurlandi.

Framkvæmd og sköpunargleði: Kynnt verða nokkur góð dæmi um drifkraftinn í norðlensku athafnalífi.

  kl. 15:00:  Grasrót - iðngarðar og nýsköpun.

  kl. 15:30:  Gebris - nýsköpunarverkefni í ferðaþjónustu.

  kl. 16:00:  Stofnun Vilhjálms Stefánssonar - Trossan.

  kl. 16:30:  Snjótöfrar og Jólasveinarnir í Dimmuborgum.

  kl. 17:00:  North Hunt - skotveiðitengd ferðaþjónusta.

  kl. 17:30:  Sævör ehf. - Náttúrutengd köfun í ferðaþjónustu.Auk þessara aðila verða fyrirtækin Ektafiskur og Bergmenn á staðnum og kynna starfsemi sína.

Annað áhugavert í vikunni:

Málstofur í Háskólanum á Akureyri í hádeginu dagana 17.-20. nóv. Sjá nánar á www.unak.is

Frumkvöðlar verða á ferðinni og munu heimsækja nemendur í HA., MA. og VMA. og kynna verkefni sín.

Skúffuskáld heimsækja fyrirtæki.

Allir viðburðir eru opnir öllum og án endurgjalds.

Nánari upplýsingar má finna á:

www.akureyri.is, www.athafnavika.is og akmennt.is/nu

Fyrirkomulag

Þegar Athafnavikan hefst þurfa handhafar teygjunnar að framkvæma eitthvað til þess að geta svo komið henni áfram í dreifingu. Þetta má vera stór eða lítil framkvæmd – allt frá því að taka til á skrifborðinu í að opna ný jarðgöng. Þegar handhafi teygjunnar hefur framkvæmt eitthvað á hann að láta teygjuna af hendi til manns eða konu að eigin vali. Sá eða sú þarf svo að framkvæma eitthvað til þess að geta komið teygjunni af sér og hvatt næsta mann til athafnasemi. Hver teygja hefur númer og í hvert skipti sem eitthvað er framkvæmt í tengslum við teygjuna er það skráð á heimasíðu Athafnateygjunnar (www.athafnateygjan.is). Þannig er hægt að fylgjast með hvaða teygja skilar af sér mestu afköstunum, hvaða sniðugu hlutum fólk kemur í verk og hverju íslenska þjóðin kemur í framkvæmd með athafnateygjunni.

Fyrirlestur um geðræktarkassann

Þriðjudaginn 17. nóvember kl. 12-13

Viltu heyra söguna sem fékk Jóhönnu í Kastljósinu til að tárast. Einstakt tækifæri til að heyra Elínu Ebbu Ásmundsdóttur iðjuþjálfa segja frá geðræktarkassanum.

Aðstoð við Facebook

Viltu nýta þér þetta frábæra tæki sem Facebook er til að efla þitt tengslnet og styrkja fjölskylduböndin. Sveinbjörn Fjölnir Pétursson verður á staðnum og aðstoðar þig.

Miðvikudaginn 18. Nóvember kl. 11,30 - 13

Kynning á starfsemi Hlutverkaseturs

föstudaginn 20. nóvember kl. 13- 14

Viltu kynna þér Hlutverkasetur, hvað það er og hvað það býður upp á. Opin kynning á starfseminni í umsjón starfsfólks Hlutverkaseturs.

Leikræn Óvissuferð

föstudagurinn 20. nóvember kl. 14-16

Langar þig að koma með í skemmtiferð á leið til gleðinnar og hlutverka okkar í lífinu? Leikir, spuni, leikhússport, samvinna, tjáning og sjálfsefling. Hvetjum alla sem hafa áhuga á leiklist að koma og vera með. Möguleiki er á að halda áfram.  Leiðbeinandi: Margrét Guttormsdóttir , leiklistarkennari.

Við bjóðum upp á jákvætt umhverfi

Við hvetjum þá, sem misst hafa vinnuna eða önnur mikilvæg hlutverk að koma í Hlutverkasetur og taka þátt í að byggja upp jákvætt umhverfi, koma reglu á lífið, og kynnast fólki í svipuðum aðstæðum.  Í gegnum þátttöku í verkefnum deilum við hugmyndum og vinnum saman.

Við veitum stuðning

Starfsfólk Hlutverkaseturs veitir  hvatningu og stuðning, í gegnum samveru, samskipti og sameiginleg verkefni til að aðlagast breyttum aðstæðum. Í Hlutverkasetrinu starfa m.a. iðjuþjálfar ásamt einstaklingum sem hafa mikla lífsreynslu og sjálfboðaliðum í mannrækt.

Sjálfboðaliðar óskast

Ert þú til í að leggja okkur lið? Hefur þú eitthvað fram að færa sem gæti komið öðrum að gagni til að gera lífið skemmtilegt? Erum opin fyrir öllu, námskeiðum, fyrirlestrum, lærdómi, uppákomum, nærveru og stuðningi. Ef svo er vertu í samband við okkur í Hlutverkasetri.

Lesið meira hér!

Fyrirkomulag

Keppnin er einföld og skemmtileg en hún gengur út á það að gera sem mest virði úr herðatré.

Sjá nánar á vefsíðu keppninnar: www.snilldarlausnir.is

Verðlaun

100.000 kr. í beinhörðum peningum verða veittar þeim sem koma með mestu Snilldina (bestu hugmyndina).

25.000 kr. í beinhörðum verða veittar fyrir besta myndbandið.

25.000 kr. í beinhörðum verða veittar fyrir frumlegustu hugmyndina.

Aukaverðlaun eins og Símar, bækur ofl. verða einnig veitt.