Fréttir af Alþjóðlegri athafnaviku

Ný sóknarfæri á Norðurlandi vestra

 0 Comments- Add comment Written on 13-Nov-2009 by svenni57

Í tilefni af alþjóðlegri athafnaviku, býður Landsvirkjun, í samstarfi við Vaxtarsamning Norðurlands vestra, til samráðsfundar í Blönduvirkjun, fimmtudaginn 19. nóvember næstkomandi.  Fundurinn stendur frá kl. 14 – 18. 

Ný sóknarfæri á Norðurlandi vestra – umhverfi og afurðir  

Rætt verður um þau sóknarfæri sem felast í umhverfisvænum áherslum í atvinnu- og menningarlífi í fjórðungnum.  Sem dæmi ná nefna nýja og/eða betri nýtingu afurða, jafnvægi milli verndunar og aðgengis náttúruperla, fræðslu og rannsóknir. 

Fundinum er ætlað að skapa umræðu og gerjun og tengja saman fólk sem hefur áhuga á þessum málum og vill eiga þátt í að móta hugmyndir og gera að veruleika.   

DAGSKRÁ 

14.00             Setning fundar    Þorsteinn Hilmarsson, Landsvirkjun 
14.10             Fyrirkomulag fundar 
14.20             Kynning þátttakenda 
15.05             Auðlindir og mannauður á Norðurlandi vestra – heildarmyndin 
15.15             Kaffihlé 
15.30             Hvað væri mögulegt?  Hugmyndir, umræða og úrvinnsla 
17.15             Hvað svo?    
17.45             Vaxtarsamningur og sóknarfærin Hjördís Gíslad. framkv. Vaxtarsamnings                                                   
17.55             Fundarslit 
18.00             Skoðunarferð um Blönduvirkjun 
18.45             Kvöldverður í boði Landsvirkjunar 

Umsjón með fundinum hefur Sigurborg Kr. Hannesdóttir, hjá ILDI, ráðgjöf og þjónustu.  

Hvers vegna Landsvirkjun? 

Eins og fram kom hér að ofan er alþjóðleg athafnavika kveikjan að því að þessi fundur er haldinn nú.  Landsvirkjun hefur 
markað sér stefnu um samfélagslega ábyrgð og vill taka þátt í verkefnum sem leitt geta til jákvæðrar þróunar á þeim 
stöðum þar sem fyrirtækið er með starfsemi.  Samkvæmt upplýsingum frá heimamönnum er víða á Norðurlandi vestra 
verið að skoða sóknarfæri sem felast í umhverfisvænum áherslum varðandi afurðir og margt fleira.  Fundurinn er 
haldinn til að leiða saman aðila af öllum svæðum fjórðungsins.  Fundurinn er í umsjón hlutlauss fagaðila, sem mun í 
samvinnu við framkvæmdastjóra Vaxtarsamnings vinna samantekt um skilaboð fundarins.  Ef fundarmenn ákveða að 
halda áfram að vinna að þessum málum, hefur Landsvirkjun áhuga á að vera þátttakandi í því. 

Send to a friend

Nýsköpunarmiðstöð með viðburði víða um land í Athafnaviku

 0 Comments- Add comment Written on 12-Nov-2009 by svenni57

Nýsköpunarmiðstöð Íslands verður með fjölbreytta dagskrá í Athafnavikunni. Í Reykjavík verður kaffihúsahittingur á Súfistanum á Laugavegi fimmtudaginn 19. nóvember þar sem frumkvöðlar og athafnafólk miðla af reynslu sinni. Nýsköpunarmiðstöð verður með opið hús í höfuðstöðvunum þriðjudaginn 17. nóvember fyrir þá sem vilja reifa viðskiptahugmyndir, fá ráð um stofnun fyrirtækis eða bara kíkja í heimsókn. Einnig stendur Nýsköpunarmiðstöð fyrir hádegisfundi í Háskólanum í Reykjavík þar sem fyrirmyndarkvenfrumkvöðlar stíga á stokk.

Á landsbyggðinni verður haldið upp á Athafnavikuna með ýmsum hætti.  Á Sauðárkróki, Blönduósi og Hvammstanga verða haldnir opnir fundir undir heitinu Norðurljós: Kveikjum á perunni! en þeim er ætlað að lýsa upp skammdegið með hugmyndavinnu þar sem unnið verður með tækifæri og möguleika á svæðinu.

Nýsköpunarmiðstöð á Akureyri ásamt aðilum í stuðningsumhverfi atvinnu- og menningarlífs á Norðurlandi standa fyrir viðburðum á hverjum degi í Athafnavikunni á Amts-café og ráðgjafatorgi í Ketilhúsinu fimmtudaginn 19. nóvember þar sem kynnt verða góð dæmi um drifkraftinn í norðlensku athafnalífi og stofnanir kynna þjónustu sína við athafnafólk.

Fab Lab smiðja Nýsköpunarmiðstöðvar í Vestmannaeyjum lætur ekki sitt eftir liggja og heldur nokkra kynningarfundi um frumgerðasmíði í Fab Lab sem gagnast vel einstaklingum og fyrirtækjum í vöruþróun.  Meðal annars verður sýnt frá fyrirlestri um frumgerðasmíði við MIT háskólann í gegnum fjarfundabúnað þar sem prófessor Neil Gershenfeld miðlar af snilld sinni.

Þá verður fjölmargt um að vera á Höfn í Hornafirði og mun Nýsköpunarmiðstöð m.a. standa fyrir osmósutilraunum, en osmósuvirkjanir gætu verið virkjanir framtíðarinnar á Íslandi. Einnig verður m.a. boðið upp á hláturjóga, heimamarkað, íbúar munu prjóna kærleikstrefil og mála sameiginlegt málverk.

Mánudagur 16. nóvember

Hvað: Frumkvæði og framkvæmdagleði

Hvar og hvenær: Amts-café (Amtsbókasafninu), Akureyri, kl. 12:15-12:45 dagana 16. – 20. nóvember.

Framsækið fólk flytur áhugaverð erindi úr ólíkum áttum í hádeginu á Amts-Café alla virka daga Athafnavikunnar.

Hvað: Athafnavikan á Hornafirði

Hvar og hvenær: Nýheimar, Höfn í Hornafirði alla dagana.

Á Höfn í Hornafirði í Nýheimum verður haldið upp á Athafnavikuna  með ýmsum hætti.

Kærleikstrefill: Allir bæjarbúar geta komið við í Nýheimum og prjónað nokkrar umferðir á kærleikstreflinum. Bara að muna að taka með garn að heiman!

Málverk: Gerð verður skissa að málverki og munu bæjarbúar fá lítinn reit til að mála.

Hljóðfæri og „speakers' corner“: Hornfirðingar geta látið ljós sitt skína í Nýheimum, hvort sem er með söng og hljóðfæraleik eða með málfrelsið eitt að vopni.

Þriðjudagur 17. nóvember

Hvað: Ef við - þá þú! Hvernig ná kvenfrumkvöðlar árangri?  

Hvar og hvenær: kl. 12.10 – 13.00. Staðsetning: HR - Ofanleiti 2, stofa 101. 

Nýsköpunarmiðstöð Íslands og Enterprise Europe Network hvetja konur til að finna frumkvöðulinn í sér! Svana Helen Björnsdóttir framkvæmdastjóri Stika hefur verið útnefnd fyrirmyndarkvenfrumkvöðull á Íslandi. Svana mun miðla af reynslu sinni af frumkvöðlastarfi ásamt Ingibjörgu Valgeirsdóttur stofnanda ASSA Þekkingar og þjálfunar.

Hvað: Fab Lab (fabrication laboratory) fyrir frumgerðarsmíði

Hvar og hvenær: Fab Lab smiðjunni í Vestmannaeyjum, Bárustíg 1, kl: 12:00-13:00

Kynnt verða tækifæri fyrir athafnafólk til að smíða vörufrumgerðir  í Fab Lab smiðjunni í Eyjum. Fjallað verður um möguleika tölvustýrðra fræsivéla, laserskurðartækja og vínylskera.

Hvað: Osmósutilraunir

Hvar og hvenær: Nýheimar (miðrými), Höfn í Hornafirði kl. 12:15

Nýsköpunarmiðstöð Íslands stendur að osmósutilraunum með eggi í Nýheimum á Höfn í Hornafirði. Hver veit nema osmósuvirkjanir verði það sem koma skal á Íslandi?

Hvað: Norðurljós: Kveikjum á perunni! – Opinn fundur

Hvar og hvenær: Mælifell, Sauðárkróki, kl. 11-14

Líkt og norðurljósin varpa birtu á dimmum vetrarkvöldum er ætlunin að lýsa upp skammdegið með öflugri hugmyndavinnu þar sem unnið verður með tækifæri og möguleika á svæðinu.

Dagskrá opins fundar:

kl. 11:00 - Kveikt á perunni - Stutt erindi um hugmyndir og vöruþróun
kl. 11:15 – Hugmyndasmiðja
kl. 12:15 - Léttur hádegisverður
kl. 12:30 - Að fenginni reynslu - Reynslusaga frumkvöðuls
kl. 13:00 - Hugmyndir og hvað svo? - Unnið með hugmyndir og næstu skref
kl. 14:00 – Dagskrárlok

Að viðburðinum standa Nýsköpunarmiðstöð Íslands, Byggðastofnun, Vinnumálastofnun, Atvinnumál  kvenna, Menningarráð Norðurlands vestra, SSNV, Vaxtarsamningur Norðurlands vestra og Virkja. Allir velkomnir án endurgjalds. Hittumst hress og hugmyndarík.

Hvað: Opið hús hjá Nýsköpunarmiðstöð

Hvar og hvenær: Nýsköpunarmiðstöð Íslands, Keldnaholti í Grafarvogi, Reykjavík kl. 15:00 – 17:00.

Ertu með viðskiptahugmynd? Ertu að hugsa um að stofna fyrirtæki? Eða langar þig bara að forvitnast um starfsemina? Kíktu í kaffi!

Miðvikudagur 18. nóvember

Hvað: Nýsköpunarstefna fyrir Vestmannaeyjar - umræðufundur

Hvar og hvenær: Nýsköpunarmiðstöð Íslands í  Vestmannaeyjum, Bárustíg 1, kl. 10:00-12:00.

Opnar umræður sem stýrt verður af fulltrúum Nýsköpunarmiðstöðvar  og Atvinnuþróunarfélags Suðurlands um væntanlega nýsköpunarstefnu fyrir Vestmannaeyjar. 

Hvað: Fab Academy - tölvustýrð fræsing

Hvar og hvenær: Fab Lab smiðjunni í Vestmannaeyjum, Bárustíg 1, kl. 13:00-18:00.

Kennd verða helstu atriði sem skipta máli varðandi tölvustýrða fræsingu. Prófessor Neil Gershenfeld  frá MIT verður með fyrirlestur í gegnum fjarfundabúnað og á staðnum verður farið yfir notkun á tækjunum.

Hvað: Norðurljós: Kveikjum á perunni! – Opinn fundur

Hvar og hvenær: Félagsheimilið, Blönduósi, kl. 11-14

Líkt og norðurljósin varpa birtu á dimmum vetrarkvöldum er ætlunin að lýsa upp skammdegið með öflugri hugmyndavinnu þar sem unnið verður með tækifæri og möguleika á svæðinu.

Dagskrá opins fundar:

kl. 11:00 - Kveikt á perunni - Stutt erindi um hugmyndir og vöruþróun
kl. 11:15 – Hugmyndasmiðja
kl. 12:15 - Léttur hádegisverður
kl. 12:30 - Að fenginni reynslu - Reynslusaga frumkvöðuls
kl. 13:00 - Hugmyndir og hvað svo? - Unnið með hugmyndir og næstu skref
kl. 14:00 – Dagskrárlok

Að viðburðinum standa Nýsköpunarmiðstöð Íslands, Byggðastofnun, Vinnumálastofnun, Atvinnumál  kvenna, Menningarráð Norðurlands vestra, SSNV, Vaxtarsamningur Norðurlands vestra og Virkja. Allir velkomnir án endurgjalds. Hittumst hress og hugmyndarík.

Fimmtudagur 19.  nóvember

Hvað: Úr reynsluheimi frumkvöðla -  Kaffihúsahittingur

Hvar og hvenær: Súfistinn, Laugavegi 18 kl. 12:00– 13:00.

Nú er kominn tími fyrir jákvæðar fréttir! Nýsköpunarmiðstöð Íslands hefur safnað saman frábæru athafnafólki til að miðla af reynslu sinni. Athafnafólkið fær aðeins fimm mínútur til að segja okkur eitthvað skemmtilegt og gefa góð ráð.

Hvað: Þrívíddarhönnun með Blender

Hvar og hvenær: Fab Lab smiðjunni í Vestmannaeyjum, Bárustíg 1, kl: 10:00-12:00

Kennd verða grunnatriði í notkun á frjálsum og opnum þrívíddarhugbúnaði (Blender)  til að gera módel, teiknimyndir og tölvuleiki.

Hvað: Norðurljós: Kveikjum á perunni! – Opinn fundur

Hvar og hvenær: Café síróp, Hvammstanga, kl. 11-14

Líkt og norðurljósin varpa birtu á dimmum vetrarkvöldum er ætlunin að lýsa upp skammdegið með öflugri hugmyndavinnu þar sem unnið verður með tækifæri og möguleika á svæðinu.

Dagskrá opins fundar:

kl. 11:00 - Kveikt á perunni - Stutt erindi um hugmyndir og vöruþróun
kl. 11:15 – Hugmyndasmiðja
kl. 12:15 - Léttur hádegisverður
kl. 12:30 - Að fenginni reynslu - Reynslusaga frumkvöðuls
kl. 13:00 - Hugmyndir og hvað svo? - Unnið með hugmyndir og næstu skref
kl. 14:00 – Dagskrárlok

Að viðburðinum standa Nýsköpunarmiðstöð Íslands, Byggðastofnun, Vinnumálastofnun, Atvinnumál  kvenna, Menningarráð Norðurlands vestra, SSNV, Vaxtarsamningur Norðurlands vestra og Virkja. Allir velkomnir án endurgjalds. Hittumst hress og hugmyndarík.

Hvað: Drifkraftur og athafnasemi - ráðgjafatorg

Hvar og hvenær: Ketilhúsið, Akureyri kl. 15:00 – 18:00.

Aðilar í stuðningsumhverfi atvinnu- og menningarlífs á Norðurlandi munu veita upplýsingar um þjónustu sína og kynnt verða góð dæmi um drifkraftinn í norðlensku atvinnulífi.

kl. 15:00 - Grasrót – iðngarðar og nýsköpun
Kl. 15:30 - Gebris – nýsköpunarverkefni í ferðaþjónustu
kl. 16:00 - Stofnun Vilhjálms Stefánssonar – Trossan
Kl. 16:30 - Snjótöfrar og jólasveinarnir í Dimmuborgum
Kl. 17:00 - North Hunt – skotveiðitengd ferðaþjónusta
Kl. 17:30 - Sævör ehf. – Náttúrutengd köfun í ferðaþjónustu.

Föstudagur 20.  nóvember

Hvað: Opið hús hjá Nýsköpunarmiðstöð á Húsavík

Hvar og hvenær: Garðarsbraut 5, 3. hæð kl. 9:00 – 12:00.

Ertu með viðskiptahugmynd? Ertu að hugsa um að stofna fyrirtæki? Eða langar þig bara að forvitnast um starfsemina? Kíktu í kaffi!

Hvað: Frumkvöðlar í Vísindaporti

Hvar og hvenær: Háskólasetur Vestfjarða, Ísafirði kl. 12:10

Nýsköpunarmiðstöð Íslands hefur fengið þrjá frumkvöðla til að miðla af reynslu sinni í Vísindaportinu sem er óformlegur umræðutími í hádeginu á föstudögum í Háskólasetri Vestfjarða. Fulltrúar fyrirtækjanna Kerecis, Ferðaþjónustunnar Arnardal og Murr  munu fjalla um þeirra sýn á ferlið frá hugmynd til vöru.

Send to a friend

Dögg Hjaltalín - hugmynd að veruleika

 0 Comments- Add comment Written on 12-Nov-2009 by svenni57

"Ég fékk hugmyndina að því að stofna viðskiptabókabúð í einum af mínum tíðu innkaupaferðum í bókabúð hér á landi þar sem úrvalið var ekkert. Eftir að ég hafði fengið þessa hugdettu í kollinn var ekki aftur snúið. Tveimur mánuðum seinna hafði ég sagt upp vinnunni, fundið húsnæði og var búin að finna hvar ég gæti keypt þær bækur sem ég vildi hafa á boðstólunum.

Ég hefði aldrei trúað því hversu auðvelt það er í raun og veru að stofna fyrirtæki á Íslandi en vissulega þarf að gefa sér góðan tíma í undirbúning. Gera þarf ráð fyrir að fyrirtækið skili ekki hagnaði til að byrja með og einnig þarf að huga vel að greiðsluflæðinu. Það er auðvelt að gera viðskiptaáætlun en ég sé núna að greiðsluáætlanir skipta meira máli, a.m.k. í árferði líkt og nú.

Skuld bókabúð er fyrsta verslunin á Íslandi sem sérhæfir sig í sölu bóka tengdum ýmsum hliðum viðskiptalífsins. Meðal bókaflokka sem ég legg áherslu á má nefna: Nýsköpun og Frumkvöðla, Stjórnun, Leiðtoga, Sölu- og Markaðsmál, Vinnustaðinn og Efnahagsmál.

Markmið mín voru ljós frá upphafi en þau voru að kynna bestu viðskiptabækurnar fyrir íslensku áhugafólki um þekkingu, koma á framfæri því besta úr viðskiptabókum og vera miðstöð þekkingar og visku. Það gerði ég með samstarfi við ýmis áhugafélög í atvinnulífinu eins og t.d. leshringi.

Ég hef lagt áherslu á að vera með bestu og nýjustu bækurnar hverju sinni ásamt sígildum bókum, bjóða ávallt persónulega og góða þjónustu, mismunandi form fróðleiks, bækur, hljóðbækur, DVD diska og tímarit. Nú hef ég tekið eitt skref í viðbót og það er færa Skuld inn í Bókabúð Máls & menningar þar ég get nú boðið upp á meira úrval og lengri opnunartíma í búðinni."

Send to a friend

Norðurland eystra - athafnasemi út í eitt

 0 Comments- Add comment Written on 11-Nov-2009 by svenni57

Ýmis samtök á Norðurlandi eystra hafa skipulagt nokkra viðburði. Þetta er samstarf eftirtalinna aðila: Atvinnuþróunarfélag Eyjafjarðar,Akureyrarstofa, Vaxtarsamningur Eyjafjarðar, Atvinnuþróunarfélag Þyngeyinga, Háskólinn á Akureyri, Norden Nordisk Kulturfond, Menningarráð Eyþings, Nýsköpunarmiðstöð Íslands og Menningarmiðstöðin í Listagili.

Þau segja „Lausn vandamála felst í athafnasemi. Með Alþjóðlegri Athafnaviku á Ísland geta allir lagt hönd á plóg við að færa fram eitthvað jákvætt til samfélagsins. Þar á meðal þú! Nú geta allir, menntastofnanir, sveitarfélög, fyrirtæki, stofnanir, félagasamtök, hópar og einstaklingar efnt til viðburðar í þeim tilgangi að virkja þjóðina til jákvæðra verka. Aðilar í stuðningsumhverfi atvinnu- og menningarlífs á Norðurlandi  leggja af mörkum og standa fyrir eftirfarandi dagskrá á Akureyri.“

Frumkvæði og framkvæmdagleði

Á Amts-café (Amtsbókasafninu) í hádeginu dagana 16.-20. nóv. kl. 12:15-12:45. Veitingar seldar á staðnum. Framsækið fólk flytur áhugaverð erindi úr ólíkum áttum.

Mánud. 16. nóv: Akureyrarstofa og Markaðsstofa Ferðamála á Norðurlandi kynna starfsemi sína.

Þriðjud. 17. nóv: Sigríður Bergvinsdóttir - nýting kartöflunnar og nýjung framreiðslu, og Garðsbúið ehf. - framþróun í landbúnaði.

Miðvikud. 18. nóv: Vélfag ehf. og Raf ehf. - kröftug nýsköpunarfyrirtæki með nýjungar fyrir fiskvinnslu.

Fimmtud. 19. nóv: Grasrót - iðngarðar og nýsköpun, og Laufabrauðssetrið - menningararfur og nýsköpun.

Föstud. 20. nóv: Sævar Freyr Sigurðsson og Saga Travel –  Ferðaþjónusta; ástríður, saga og náttúra!

Drifkraftur og athafnasemi

Í Ketilhúsinu fimmtudaginn 19. nóv. kl. 15:00-18:00

Ráðgjafatorg: Aðilar frá Byggðastofnun, NORA, Norðurslóðaáætluninni (NPP), Atvinnuþróunarfélagi Eyjafjarðar, Atvinnuþróunarfélagi Þingeyinga, Vaxtarsamningi Eyjafjarðar, Menningarráði Eyþings, Nýsköpunarmiðstöð Íslands, Háskólanum á Akureyri, Akureyrarstofu og Norrænu upplýsingaskrif-stofunni munu vera á staðnum og veita upplýsingar um sína starfssemi og stuðningsumhverfi frumkvöðla og atvinnulífs á Norðurlandi.

Framkvæmd og sköpunargleði: Kynnt verða nokkur góð dæmi um drifkraftinn í norðlensku athafnalífi.

  kl. 15:00:  Grasrót - iðngarðar og nýsköpun.

  kl. 15:30:  Gebris - nýsköpunarverkefni í ferðaþjónustu.

  kl. 16:00:  Stofnun Vilhjálms Stefánssonar - Trossan.

  kl. 16:30:  Snjótöfrar og Jólasveinarnir í Dimmuborgum.

  kl. 17:00:  North Hunt - skotveiðitengd ferðaþjónusta.

  kl. 17:30:  Sævör ehf. - Náttúrutengd köfun í ferðaþjónustu.Auk þessara aðila verða fyrirtækin Ektafiskur og Bergmenn á staðnum og kynna starfsemi sína.

Annað áhugavert í vikunni:

Málstofur í Háskólanum á Akureyri í hádeginu dagana 17.-20. nóv. Sjá nánar á www.unak.is

Frumkvöðlar verða á ferðinni og munu heimsækja nemendur í HA., MA. og VMA. og kynna verkefni sín.

Skúffuskáld heimsækja fyrirtæki.

Allir viðburðir eru opnir öllum og án endurgjalds.

Nánari upplýsingar má finna á:

www.akureyri.is, www.athafnavika.is og akmennt.is/nu

Send to a friend

Athafnateygja Innovit

 0 Comments- Add comment Written on 10-Nov-2009 by svenni57

Einn af áhugaverðu og skemmtilegu viðburðunum í Athafnavikunni er verkefni sem gengur undir heitinu „Athafnateygjan“. Á næstu dögum fá valdir einstaklingar senda teygju, sem hægt er að smeygja um úlnlið sér. Teygjan er send á valin hóp áberandi einstaklinga t.d. í athafnalífi, stjórnmálum og íþróttum – fólks sem hefur áhrif á umhverfi sitt og er í aðstöðu til að vera öðrum til fyrir­myndar.

Fyrirkomulag

Þegar Athafnavikan hefst þurfa handhafar teygjunnar að framkvæma eitthvað til þess að geta svo komið henni áfram í dreifingu. Þetta má vera stór eða lítil framkvæmd – allt frá því að taka til á skrifborðinu í að opna ný jarðgöng. Þegar handhafi teygjunnar hefur framkvæmt eitthvað á hann að láta teygjuna af hendi til manns eða konu að eigin vali. Sá eða sú þarf svo að framkvæma eitthvað til þess að geta komið teygjunni af sér og hvatt næsta mann til athafnasemi. Hver teygja hefur númer og í hvert skipti sem eitthvað er framkvæmt í tengslum við teygjuna er það skráð á heimasíðu Athafnateygjunnar (www.athafnateygjan.is). Þannig er hægt að fylgjast með hvaða teygja skilar af sér mestu afköstunum, hvaða sniðugu hlutum fólk kemur í verk og hverju íslenska þjóðin kemur í framkvæmd með athafnateygjunni.

Send to a friend

Háskólinn í Reykjavík; alþjóðlegur og athafnasamur!

 0 Comments- Add comment Written on 06-Nov-2009 by totla

Háskólinn í Reykjavík opnar dyr sínar upp á gátt í Alþjóðlegu athafnavikunni og býður almenningi að koma og kynna sér og taka þátt í broti af þeirri fjölbreyttu og öflugu starfsemi sem fram fer við skólann.

Á meðal þess sem kynnt verður er rafmagnsbíllinn sem verið er að hanna og smíða í tækni- og verkfræðideild HR, en á síðustu vikum hafa nokkrir nemendur deildarinnar unnið að því hörðum höndum að breyta bensíbíl i rafbíl og er óhætt að fullyrða að þetta sé tímamótaverkefni í íslenskri tæknisögu.

Í Alþjóðlegu athafnavikunni leggjum við áherslu á að kynna verkfræði fyrir ungum konum sem hafa áhuga á að leggja hana fyrir sig, en sumir halda því fram að verkfræðin sé síðasta vígi karla innan háskólasamfélagsins. Gera má því skóna að þetta vígi falli innan tíðar, því konur hafa á síðustu árum gert sig æ meira gildandi innan verkfræðinnar og skapað sér nafn sem öflugir frumkvöðlar innan margra greina hennar. Þriðjudagurinn 17. nóvember verður sérstaklega helgaður konum og kvenfrumkvöðlum.

Lögfræðiþjónusta laganema HR hefur um langt árabil veitt almenningi fjölþætta ráðgjöf um hina ýmsu refilstigu lögfræðinnar. Í Alþjóðlegu athafnavikunni ætla laganemar að veita ráðgjöf á sviði hugverkaréttar, sem er tiltölulega óþekkt en spennandi grein lögfræðinnar sem atvinnurekendur þurfa í æ meira mæla að veita athygli.

Margt fleira spennandi og áhugavert verður í boði í Alþjóðlegu athafnavikunni; hugbúnaðarþróun, samfélagsábyrg nýsköpun, leiðtoga- og nýsköpunarvinnustofa o.m.fl. eins og sjá má í dagskránni hér að neðan.


Mánudagur 16. nóvember

  • Ýtt úr vör!

     

  • Göngum lengra. Grunnur lagður að árangri og athafnasemi fyrir framtíðina. Stefnumót við framhaldsskólanema.

     


Þriðjudagur 17. nóvember 2009

  • Ef við - þá þú! Hvernig ná kvenfrumkvöðlar árangri? Kl. 12.10 – 13.00. Staðsetning: HR - Ofanleiti 2, stofa 101.  ALLIR VELKOMNIR!

     

  • Konur í verkfræði – frumkvöðlar.  Kl. 17.00 – 18.00. Staðsetning: HR - Ofanleiti 2, stofa 131a.  ALLIR VELKOMNIR!

     

  • Athafnagleði kvenna – athafnatorg. Hugmyndahúsið. Konur koma saman sýna sig og hugmyndir sínar ásamt ræðum og tónlist. Kl. 20.00. Staðsetning: Hugmyndahúsið. ALLAR KONUR VELKOMNAR!

     


Miðvikudagur 18. nóvember 2009

  • Opin lögfræðiráðgjöf á sviði hugverkaréttar. Lögfræðiþjónusta Lögréttu. Kl. 14.00 – 17.00. Staðsetning: Hugmyndahúsið. ALLIR VELKOMNIR!

     

  • Taktu af skarið. Kl. 12.00 – 13.00. Staðsetning: Opni háskólinn, Ofanleiti 2, stofa 338. ALLIR VELKOMNIR!

     

  • Leiðtoga- og nýsköpunarvinnustofa. Ætlað stjórnum nemendafélaga framhaldsskólanna  Kl. 16:00 – 18:00. Staðsetning: HR - Ofanleiti 2, stofur 131a og 131b.

     

  • Ungir frumkvöðlar – klárir krakkar. Ad Astra. Ætlað grunnskólabörnum og aðstandendum þeirra. Kl. 17:00 – 18:00. Staðsetning: Opni háskólinn. ALLIR VELKOMNIR!

     


Fimmtudagur 19. nóvember 2009

  • Fjármálalæsi og frumkvöðlar. Kl. 13.00 – 14:00. Ætlað nemendum í Réttarholtsskóla. Staðsetning: Réttarholtsskóli.

     

  • Nýsköpun og frumkvöðlastarf notenda. Kl. 12.00 – 12.50. Staðsetning: HR - Ofanleiti 2, stofa 201. ALLIR VELKOMNIR!

     

  • Nýjar aðferðir við hugbúnaðarþróun. Kl. 12.00 – 13.00. Staðsetning: HR - Ofanleiti 2, stofa 101. ALLIR VELKOMNIR!

     

  • Bensínbíl breytt í rafbíl – opin smiðja. Kl. 13.00 – 20.00. Staðsetning: Lagnakerfamiðstöð. ALLIR VELKOMNIR!
Send to a friend

Fylgist með smíði rafmagnsbíls

 0 Comments- Add comment Written on 02-Nov-2009 by jonjul

Tækni og verkfræðideild Háskólans í Reykjavík er farin af stað með stórt rafbílaverkefni. Vegna þess hefur Tækni- og verkfræðideild Háskólans í Reykjavík ákveðið að halda viðburð á Alþjóðlegri Athafnaviku. Háskólinn er að breyta bensínbíl í rafbíl og vill því gefa fólki tækifæri að sjá og fræðast um smíði rafbíls. Atburðurinn mun eiga sér stað 19 og 20 nóvember frá kl 13 til 20 í Lagnakerfamiðstöð Íslands Keldnaholti og munu aðstandendur verkefnisins vera þar að vinna að smíði bílsins og fræða fólk um verkefnið og rafbílavæðingu Íslands. Þetta er skemmtilegt tækifæri til að fræðast um samgöngumáta framtíðarinnar. Heimasíða verkefnis er 

HR. stendur fyrir viðamikilli rannsókn á forsendum rafvæðingar einka-og almennings samgangna í Reykjavík. Með verkefninu er ætlunin að sjá betur hvernig ber að standa að rafvæðingunni, með hvaða leiðum og hvar sóknartækifærin eru. Einnig er ætlunin að fá breiðari innsýn í ávinning þess að nota innlenda orku til einka-og almennings samgangna.

Að verkefninu stendur breiður hópur nemenda frá öllum deildum skólans ásamt fjölda starfsmanna. Rannsóknin verður unnin af Háskólanum í Reykjavík í samstarfi við Reykjavíkurborg og Orkuveitu Reykjavíkur.

Markmið

Til þess að geta gert  sér fyllilega grein fyrir notkunarmöguleikum rafmagnsbíls er nauðsynlegt að búa yfir slíkum bíl sem hægt er að nota sem mælitæki og er ekki „lokaður“ að hálfu framleiðanda. Fjöldaframleiddir rafmagnsbílar eru háðir ábyrgðum frá framleiðanda og þar sem slíkur bíll er hannaður með það að leiðarljósi að notandi þurfi að hafa sem minnst afskipti af vélbúnaði bílsins er einnig erfitt að skoða vélbúnaðinn og hegðun hans nema að rifta ábyrgð. Með það að leiðarljósi var tekin sú ákvörðun að smíða rafmagnsbíl fyrir skólann. Bíllinn er hugsaður sem fjölnotabíll og verður í umsjá tilraunastofu skólans og mun þar koma í stað sendibifreiðar. Með því móti mun vera hægt að rannsaka notkunarmynstur flota bíla í borginni. Bílnum er einnig ætlað að vera lifandi verkefni í þeim skilningi að nemendur geta komið að bílnum eftir smíði hans og betrumbætt eða skipt út íhlutum til rannsókna.

Framkvæmd

Hugmyndin er að taka lítinn flutninga bíl eins og sést á myndinni hér að ofan og breyta honum frá bensín eða dísil yfir í að vera rafmagnsbíll. Ástæða þess að þessi tegund bifreiðar er valin er að hún er létt og hefur mikla burðargetu. Þessi atriði gera það að verkum að verkefnið skorðast ekki um of af takmörkunum bílsins. Einnig er þá hægt að notast við bifreiðina sem sendibíl fyrir Háskólann í Reykjavík. Stefnt er að því að nálgast íhluti bílsins að sem mestu leiti frá innlendum byrgjum. Þetta er gert með það í huga að sem mest reynsla verði eftir í landinu og þar með ákveðinn vegur ruddur fyrir samskonar verkefni í framtíðinni.

Framkvæmdaaðilar

Smíða og hönnunarteymið er samansett af tveim rafmagnstæknifræðinemum og einum véltæknifræðinema. Hópurinn hefur töluverða reynslu og þekkingu sem ætti að hjálpa við þetta tiltekna verkefni. En innan hópsins eru rafvirki og rafeindavirki sem báðir útskrifuðust með hæstu einkunn í sinni iðn og hafa mikla reynslu á sínum sviðum sem og tvöfaldur vinningshafi Hönnunarkeppni Háskóla Íslands sem jafnframt hefur áralanga reynslu af vélsmíði.

Guðjón Hugberg Björnsson nemi í Rafmagnstæknifræði.
Hjörtur Már Gestsson nemi í Véla og orkutæknifræði
Hrafn Leó Guðjónsson nemi í Rafmagnstæknifræði
Umsjónarmaður þessa verkhluta er Indriði Sævar Ríkharðsson.

Aðrir sem standa að verkefninu:
Dr. Hlynur Stefánsson (verkefnisstjóri), William S. Harvey (aðstoðarverkefnastjóri)

“IF I'D ASKED MY CUSTOMERS WHAT THEY WANTED, THEY'D HAVE  SAID A FASTER HORSE”  -Henry Ford-

Send to a friend

Snilldarlausnir Marel Hugmyndasamkeppni Framhaldsskólanna

 0 Comments- Add comment Written on 30-Oct-2009 by svenni57

Snilldarlausnir, hugmyndasamkeppni framhaldsskólanna er einn stærsti einstaki þáttur Alþjóðlegrar Athafnaviku á Íslandi og fer keppnin nú fram í fyrsta sinn. Keppnin gengur út á það að hverjum hópi þátttakenda er fenginn ákveðinn einfaldur hlutur sem hópurinn reynir að gera sem mest virði úr. Virðið getur t.d. verið félagslegt, fjárhagslegt, út frá umhverfissjónarmiði eða annað í þeim dúr og hluturinn getur t.d. verið bréfaklemma, plastflaska, sogrör eða A4 blað.

 Þann 6. nóvember verður hlutur keppninnar kynntur fyrir þátttakendum og hefst þá keppnin með formlegum hætti. Þátttakendur hafa svo rúma viku til þess að útbúa sitt framlag en öll framlögin eru send inn í formi myndbanda.

Þann 15. nóvember lýkur svo keppni en daginn eftir hefst Athafnavikan sjálf. Viku síðar, sunnudaginn 22. nóvember mun dómnefnd skipuð valinkunnum einstaklingum tilkynna úrslit.

Veitt verða verðlaun fyrir bestu hugmyndina en einnig sérstakar viðurkenningar fyrir frumlegustu hugmyndina og flottasta myndbandið.

Hér eru nokkur dæmi úr sambærilegri keppni þar sem plastflaska var einfaldi hluturinn:

http://www.youtube.com/watch?v=p6H12zMx_Kk

http://www.youtube.com/watch?v=Pueo6aVSzjY

http://www.youtube.com/watch?v=_u6SZ6sljFY

Send to a friend

Frumkvöðlasaga Villimeyjar

 0 Comments- Add comment Written on 29-Oct-2009 by svenni57

Aðalbjörg Þorsteinsdóttir einn af talsmönnum Alþjóðlegar Athafnaviku, er stofnandi og eigandi fyrirtækisins Villimey sem framleiðir krem og smyrsl úr íslenskum jurtum.

Villimey slf. er sprotafyrirtæki í nýsköpun á sviði náttúruvöruframleiðslu með alþjóðlega vottun Túns  sem lífræn framleiðsla. Villimey safnar íslenskum jurtum úr villtri náttúru Vestfjarða.

Aðalbjörg gegnir nú sæmdarheitinu Merkisberi Útflutningsráðs í eitt ár eftir að markaðsskýrsla hennar var valin sú besta á námskeiði fyrir atvinnurekendur í útrásarhug. Aðalbjörg, sem stendur í vöruþróun og hyggur á útflutning, hefur sérstaka tilfinningu fyrir virkni jurta og virðist vita lengra en nef hennar nær í þeim efnum.

Aðalbjörg, ásamt fjölskyldunni, tínir íslenskar jurtir í afurðir sínar og vinnur þær frá a til ö. „ Ég er fædd og uppalin á Vestfjörðum og þótt ég hafi búið annars staðar um árabil, hef ég alltaf verið hér á sumrin, firðirnir toga sterkt í mig,“ segir Aðalbjörg. „Ég byrjaði að tína jurtir og malla krem og seyði til að nota við kvillum heimilisfólksins auk ættingja og vina. Upphaflega hvarflaði ekki að mér að fara út í rekstur en mágkona mín sagði að ég yrði að leyfa öðrum að njóta árangursins af þessu og fleiri hvöttu mig áfram vegna jákvæðrar reynslu af vörunum. Grunnurinn að þessu var að mig langaði að hjálpa fólki og af því að það gekk vel ákvað ég að taka þetta lengra.“

Ætti að vera hægt að borða allt sem maður ber á sig

Vinnsla Aðalbjargar fékk fljótlega eigið húsnæði. Nú eru þrír starfsmenn hjá Villimey. „Allar vörurnar eru handunnar alla leið og fólk sem heimsækir okkur verður oft hissa þegar það sér ferlið. Við gerum allt sjálf, límum meira að segja miðana á hverja einustu vöru. Fólk hefur tekið vörunum vel og það hefur verið stígandi í sölunni frá upphafi. Fólk trúir misvel á virkni jurta en ég held að það sé að aukast sem og vitund fyrir hreinleika vara. Allt sem maður ber á húðina á sér fer inn í blóðrásina og fólk verður að gerast meðvitaðra um það. Almennt veltir fólk þessum hlutum meira fyrir sér en áður og í raun ætti maður að geta borðað allt sem maður ber utan á sig.“

Aðalbjörg kveðst alltaf hafa haft áhuga á jurtum og lækningamætti náttúrunnar. „Á unglingsaldri las ég norsku bækurnar um Ísfólkið og það eina sem ég man úr þeim er virkni jurtanna sem skrifað er um. Við lesturinn kviknaði áhuginn á þessu af krafti og hefur haldist síðan.

Það er kannski engin tilviljun að allar vörur Aðalbjargar bera galdranöfn. „Sú hugmynd kom frá Kristjáni Hreinssyni, Skerjaskáldi, þar sem ég má ekki láta vörurnar bera nöfn þeirra kvilla sem þær vinna gegn,“ segir hún, en Kristján hefur einnig samið vísur um Aðalbjörgu og vörur hennar sem mikið eru notaðar í kynningu á vörunum. „Ég mun halda mig við þetta í markaðssetningu erlendis enda er kveðskapurinn sterkt íslenskt einkenni. Kristján hefur þegar snarað nokkrum vísnanna yfir á ensku og ég geri ráð fyrir að halda göldrunum inni í þessu líka með einhverjum hætti. Hér á Vestfjörðum hefur alltaf verið mikið um galdra og svo má ekki gleyma því að ekki er hægt að véfengja hindurvitni,“ segir hún loks og brosir kankvíslega. Það er best að leyfa Kristjáni að eiga síðasta orðið, en svona kvað hann um Aðalbjörgu:

Aðalbjörg er ein af þeim
sem orku kann að brúka
hún trítlar inní töfraheim
til að lækna sjúka.:

Send to a friend

Samtök atvinnulífsins stuðningsaðili Alþjóðlegrar athafnaviku

 0 Comments- Add comment Written on 21-Sep-2009 by jonjul
SASamtök atvinnulífsins eru meðal stuðningsaðila Alþjóðlegrar athafnaviku sem fram fer 16.-22. nóvember í meira en 100 löndum og þar á meðal á Íslandi. Markmiðið er að vekja fólk til umhugsunar um gildi nýsköpunar og athafnasemi fyrir samfélagið ásamt því að kveikja bjartsýni.

Athafnavikan er árlegur viðburður en í fyrra tóku yfir þrjár milljónir manna þátt í 25 þúsund viðburðum í 80 löndum. Aðstandendur Athafnavikunnar hvetja þjóðina til að láta til sín taka og segja forvitnilegt að sjá hversu miklu Íslendingar komi í verk á einni viku.

Bæði fyrirtæki og einstaklingar eru hvattir til að taka þátt og jafnvel skipuleggja eigin viðburði en frekari upplýsingar má nálgast á vef verkefnisins: www.athafnavika.is

Nánari dagskrá verður birt þegar nær dregur.

Send to a friend
  • Rss2
  • Atom
  • Add to my webjam page



Loading …
  • Server: web1.webjam.com
  • Total queries:
  • Serialization time: 1190ms
  • Execution time: 1362ms
  • XSLT time: $$$XSLT$$$ms